Papano ako makakabangon... kung sa bawat pagtatangka ko'y sinisipa ako ng pagkakataon... umamot ako ng tulong... akala ko'y ikaw na ang sakin ay mag-aahon... subalit lalo mo lamang pala akong ibinaon... sa tinik ng alaala ng aking kahapon...

Blog EntryKulang...Jul 19, '08 9:56 AM
for everyone
Ibig ko sanang umawit
Upang sayo'y iparinig
Ngunit mailap ang tinig
Liriko'y tila may bikig

Nais ko rin ay kumatha
Ng mga tugtuging makata
Ngunit tinta'y lumalawa
At panulat nanlalata

Kailangan ko ng nota
Upang tula'y maging kanta
Kailangan ko'y musika
Nang letra'y maging gitara

Nais ko ring tumula
Ngunit kulang ang salita
Ninanasa kong magsulat
Datapwat letra'y di sapat

Hanap ko'y magpapasubo
Ng pag-ibig sa puso ko
Mangangalaga, bubuo
Ng pagsuyong walang lilo

Kulang ako aking giliw
Ng pagsintang walang maliw
Sayo sasamo ng aliw
Pag-ibig kong sadyang baliw

Katulad ng basang sisiw
Walang inahing umaliw
Tuloy sa ilang liwaliw
Luha ang tanging kasaliw

Kulang ako aking mahal
Wala saking nagmamahal
Kahit man lamang pantapal
Hindi ako inihalal

Kahalintulad ng rosas
Sinuma'y walang pumitas
Kaya't kusa lang nalagas
Lupa lamang ang umagnas

Kulang ako aking liyag
Sinta'y di maipahayag
Nangangambang maglayag
Baka hindi ka pumayag

Kagaya ng manlalakbay
Na laging nakaantabay
At natatakot sumabay
Baka hangin ay sumablay

Kulang ako aking irog
Kaparis ng tuyong ilog
Sa agos ng tubig baog
Sayo sana ko'y luluhog
 
Wag ka sanang mayayamot
Kung sayo ako'y umamot
Sintang walang pag-iimbot
Nawa'y wag mong ipagdamot

Kulang ako aking sinta
Ikaw sana ang magpinta
Nagdarahop kong sonata
Pagkat puso ko'y paos na

Ikaw ang isinisigaw
Damdaming pumapalahaw
'Yo sanang ipaaninaw
Pagsuyo mong hindi bahaw

Kailangan ko'y ikaw nga
Nang puso ko'y mabuo na
Na nilumot ng dekada
Ang sa puso'y nakabenda

Gamutin mo yaring sugat
Upang luha'y maampat
Sa pag-ibig kong matapat
Ang "oo" mo ang sasapat





*alay ko sana yan sa psychiatrist ko bago ako nabaliw,
kaso dina ata nya mababasa to*


P.S.

Inilibing ng kahapon
Hinukay ng ngayon
Ngunit muling ibinaon
Ng pagsintang nilayon

Haaayyyyy.... buhay talaga...!









kahelguitar wrote on Jul 19
gawa mo? mahusay :)
akinse30 wrote on Jul 19
uy ang bilis may nakabasa agad hehehe.... opo kagagawa ko palang ngaun fresh na fresh, ikaw palang po ang nakauna, hehehe... salmat po sa pagbasa. ikinagagalak ko po kitang makilala, hehe
kahelguitar wrote on Jul 19
uy ang bilis may nakabasa agad hehehe.... opo kagagawa ko palang ngaun fresh na fresh, ikaw palang po ang nakauna, hehehe... salmat po sa pagbasa. ikinagagalak ko po kitang makilala, hehe
ganda eh :)
akinse30 wrote on Jul 19
hehehe salamat po, may mapulot akong taghanga, hehe salamat po ulit, may binago po ako, inihabol ko lang kulang kasi eh, gusto mo po icheck ulit? basahin mo po yung huli, salamat po ulit...
unwrittenlovesong wrote on Jul 19
aaawww... ang ganda..
akinse30 wrote on Jul 20
aaawww... ang ganda..
salamat po kabobong tonet... salamat sa pagbasa... sana...
Add a Comment
   
© 2008 Multiply, Inc.    About · Blog · Terms · Privacy · Corp Info · Contact Us · Help